"Argia" astekarian 3 alkoholikori egindako elkarrizketa hau aurkitu dut eta zuen gustokoa izatea espero dut:
-Zer da A.A.?
. Alkoholiko Anonimoek alkoholarekiko daukaten problema konpondu ahal izateko beren experientzia, sendotasuna eta itxaropena, konpartitzen dituzten gizonezko eta emakumezko artean osaturiko komunitate bat da, baita alkoholaren menpekotasuna gainditu ez dutenei laguntza eskaintzen saiatzen dena.
- Nola planifikatzen dituzue bilerak?
- Aurrena zer edo zer irakurtzen dugu, gure experientziaz idatzita dagoen literaturatik. Gero bakoitzak bere eritzia botatzen du eta gure laguntzarekin batak besteengan moralki apoiatuz laguntasun horrekin gainditzen dugu gure problema edan gabe irauten dugularik.
-Alkoholiko baten edo alkoholiko ez den baten muga non jar dezakegu? Esan nahi dut, nori dei dakioken alkoholiko eta nori ez?
-Berak ikusi behar du. Guk ezin diezaiokegu tipo bati esan alkoholiko den ala ez. Guretzat alkoholikoa alkoholaren dependentzia duen pertsona da. Ez da beharrezkoa asko edatea. Izugarrizko edaleak direnei medikuak neurtzeko edo uzteko alkohola esango balie eta haiek problemarik gabe edateari uko egingo baliote honek esan nahi izango luke ez liratekeela alkoholaren beharrean izango. Alkoholiko den batek ezin izango luke hori egin. Behin Arantzazun baserritar bati galdetu nion ea lortu zuen inoiz bi kopa edatea eta berak ihardetsi zidan bi ez hamaika ere bai. Berriro egin nion galdera eta berak erantzun zidan ezina zela bi bakarrik edatea. Gixajoa jakin gabe, gure gremiokoa zen.
-Zer egiten du alkohol gehiegikeriak?
-Normalean izaten da alkoholak pixkanaka pixkanaka, azpikeriaz, ohartu gabe, txikiteoan ibili ondoren denek ez dute berdin erantzuten. Batzuk hasten dira etxean haserre biziarekin, koadrilan ere nabarmentzen dira jenio biziz jartzen direlako, gero gauean loa galtzen hasten dira, askotan goranahiak dituztelarik. Klinika aldetik alkoholiko bat nabarmentzen da gripe, bronkitis edo hezur bat hautsia duenean. Kasu berezi hoietan hospitalera eraman behar zaie eta hospitalean alkoholik zerbitzen ez denez alkoholiko denaren gorputzak horren eza sentituko du. Orduan gorputzak bi erantzun eman ditzake: bata izerdia, egon-eza eta bestea "delirium tremens", heriotzako koadroa hain zuzen ere.
-Zerk bultzatu zintuzten edatera lehendabizi eta uztera gero?
- Pertsona bat desesperaturik bizi denean alkoholari irikitzen dizkio ateak. Nere kasuan erabat akonplejatua bizi nintzen eta konturatu nintzen ardoa edanez gero gauza nintzela konplejoak alde batetara uzteko. Edatera eramaten gaituena desberdina da kaso gehienetan baina denontzat berdin dena zera da, heldugabetasuna. Gero une zehatz batetan eta jakin gabe nola bonbila bat pizten zaizu barruan eta egiten ari zarena garbi ikusten duzu bizitza berri bat eramateko gogoak berpizten zaizkizularik.
- Gaixotasun hau hereditarioa al da?
-Bietatik badago. Euskal Herrian ez dago batere eredu hori. Hemen giroak garamatza edatera, dena alkoholaren bitartez ospatzen da eta alkoholak adizioa sorterazten du zenbait kasutan. Orain, bat heldugabea dagoelako, edo familiarekin problemak dituelako edo herriko festak direlako, dena alkoholaren bitartez ospatzen da. Zuretzat zer da normalagoa pelotazoak edatea ala porruak erretzea? Orain galdera bera egingo dut porruarekin. Nola iristen gara porruaren kontaktora? Begira koadrila batetan baten bati bururatzen bazaio porrua erretzea denok fumatuko dute porru zerri hori. Alkoholarekin ez dago zer esaterik. Taberna batetara sartu eta batek eskatuko du txuria, besteak beltza, bete batek Gin-Kas eta nik, bada nik ere kojones!! Zer gertatzen da? Nire lagunek esango didatela ia eroa nagoen ura eskatzeagatik. Ziur egon hurrengo tabernan ez dudala urik eskatuko. Bi gauza gerta daiteke: edo hurrengo egunean ez duzu tabernarik bisitatzen edo alkohola edaten duzu. Horrela iristen gara alkohola edatera konturatzeke, ohituraren poderioz. Behin ardoaren zelaian gaudenean denok bustitzen gara leporaino. Ahal duenak igeri egiten du eta ahal ez duena ondora erortzen da.
-Psikiatrikoak lan egiten ahal du?
-Horiek ez dute ezertarako balio. Eroetxe batetara pertsona bat eramaten baduzu senda dadila bukatuko da sartu zenean baino eroago. Psikiatrikoarekin berdin gertatzen da nahaskuntza gehiegi dagoelako, gaixotasun bakarra sendatzeko erabiltzen ez direlako.
-Erraz gainditzen du alkoholiko batek bere gaixotasuna tratamenduan jarriz gero?
- Bi kaso daude. Bere borondatez joaten direnena eta familiak behartua joaten direnena. Lehenak sendatzen diren bitartean ezin dezakegu berdina esan bigarrenaz. Hala ere alkoholarena bizi guztiko borroka bat da.
-Familiak laguntzen al dio alkoholikoari?
- Egia esan familia askok ez du problema ondo ulertzen, bai besteengandik izkutatu nahi duelako bai kristoren bronkak botatzen dizkiotelako.. Horretarako familiak hobeto uler dezan probema bi motatako erakundeak martxan daude dagoeneko: "Al Anom" izenekoan senarra, emaztea edo lagunek parte har dezakete. "Al Ateen" izenekoa alkoholikoen seme-alabentzat pentsatua dago.
